»
एमाओवादीमा पदको लागि हानाथाप
एमाओवादीमा पदको लागि हानाथाप
केन्द्रीय समितिलाई पूर्णता दिने समय नजिकिँदै जाँदा एकीकृत नेकपा माओवादीभित्र पदको लागि हानाथाप भएको छ ।
एकीकृत नेकपा माओवादीभित्र उपाध्यक्ष र सचिव पदको लागी नेताहरुले आ आफ्नो दाबेदारी प्रस्तुत गर्न थालेका छन् ।
पार्टीमा
बरियताको हिसावले अमिक शेरचन उपाध्यक्षका दाबेदार हुन् भने कृष्णबहादुर
महरा, गिरिराजमणि पोखरेल, टोपबहादुर रायमाझी र वर्षमान पुन सचिवका दाबेदार
हुन् ।
पार्टी फुट्नुअघि केन्द्रीय समितिमा सीपी गजुरेल र पोष्टबहादुर बोगटी सचिव थिए। गजुरेल अहिले वैद्यपक्षमा लागिसकेका छन् भने बोगटी हेटौडा महाधिवेशनबाट महासचिव पदमा चुनिए ।
एमाओवादीको
विधानमा केन्द्रीय समितिमा दुईभन्दा बढी सचिव र उपाध्यक्ष रहने व्यवस्था
रहेको छ । एमाओवादीको अब बस्ने बैठकले पदाधिकारी र केन्द्रीय सदस्यहरुको
टुंगो लगाउने जनाएको छ ।
केन्द्रीय
सदस्यको संख्या ३ सय ९९ बाट घटाएर २ सय ४० मा झारिएको छ । तीन दिनअघि
पार्टी मुख्यालय पेरिसडाँडामा बसेको केन्द्रीय समिति बैठकले १ सय ५१ सदस्य
पूर्ण र २ सय ४८ वैकल्पिक रहेको ३ सय ९९ सदस्यीय केन्द्रीय समिति बनाउने
निर्णय गरेको थियो । |
|
|
Labels:
0 comments