युवती छिर्दा पेरिसडाँडामा आपत

काठमाडौं । रामचन्द्र झा एमालेबाट माओवादीमा डेरा सर्ने भएपछि उनले स्वतः केन्द्रीय सदस्य पाउने कुरा छ । उता, प्रचण्ड ‘न देशका, न मधेशका’ भन्दै प्रभु साहहरु अलग पार्टी बनाउनतिर अग्रसर छन् । यस्तो कुराले अरुलाई भन्दा वर्षौंदेखि खाइखेली गर्दै आएका श्रवण यादवहरुलाई आशा र निराशा दुबै दिएको छ । यी मधेशी अगुवाका कुरा यस्तै हुन्, तर अहिले एकीकृत नेकपा (माओवादी) भित्र एउटी महिलाको उपस्थितिलाई लिएर सबैले आपत्ति जनाएका छन् । उनी हुन्, केन्द्रीय सदस्य सविना अर्याल ।
नवराज सुवेदीको नेकपा (एकीकृत) विभाजन भई एकता प्रक्रियामा सामेल हुँदा उनी माओवादी भएकी हुन् । पछिल्लो समय बाबुरामपत्नी हिसिलासँग घनिष्टतम् सम्बन्ध बनाएकी छन् । तर, ‘लोभले लाभ, लाभले विलाप’ भनेजस्तो हिसिलासँग घनिष्ठतम् सम्बन्ध बनाउनाले अहिले उनका विरुद्ध पार्टी हेडक्वार्टरमा गम्भीर प्रकृतिको उजुरी परेको छ । स्रोतका अनुसार, द्वन्द्वकालभरि माओवादी पीडित बनेर कुस्त कमाउनेमध्येकी उनी अहिले त्यही पार्टीको केन्द्रीय नेतृ बनेकी छन् । केन्द्रीय सदस्य बनेरमात्र त केही थिएन होला, ‘फस्र्ट लेडी’ सँग लागेर माओवादीकै नाममा पनि कुस्त कमाउनेमा दरिएकी छन् भन्दै हेडक्वार्टरमा उजुरी परेको हो । पेरिसडाँडास्रोतले जनाएअनुसार, उनी आफू माओवादीबाट विस्थापित भएको र आफूजस्ता थुप्रै विस्थापितको न्यायका लागि नेपालमा माओवादीलाई परास्त गर्न सहयोग गर्नुप¥यो भन्दै बेल्जियममा चन्दा उठाउन सक्रिय व्यक्ति भएको भरपर्दो प्रमाण त्यहाँ छ ।

Labels: