दमन गरे बन्दुक : बिप्लब

काठमाडौ, वैशाख ५ - नेकपा-माओवादी सचिव नेत्रविक्रम चन्दले आफूहरूको आन्दोलनलाई दमन गर्ने प्रयास गरे बन्दुक उठाउन तयार रहेको चेतावनी दिएका छन् । नेकपा-माओवादीलगायत ३३ साना दलद्वारा आयोजित विरोधसभामा सचिव चन्दले भने, 'दमन गरेर त हेर, परिणाम कस्तो निस्कन्छ ।'

चुनावी सरकारका अध्यक्ष खिलराज रेग्मी नेतृत्व सरकारको खारेजी नभएसम्म वार्तामा नबस्ने उनले बताए । असंवैधानिक जगमा बनेको सरकारसँग वार्तामा बस्नुको कुनै औचित्य नभएको उनको भनाइ थियो । रेग्मी नेतृत्वको सरकारले गराउने नयाँ संविधानसभा चुनावको कुनै अर्थ नभएको उनले उल्लेख गरे ।

Labels: