खिलराज अतिथी भएको कार्यक्रम बारद्वारा बहिष्कार

काठमाडौ, वैशाख २६ - सर्वोच्च अदालतले कानुन दिवसका अवसरमा खिलराज रेग्मीलाई अतिथी बनाएपछि कानुन व्यवासायीहरुको संस्था नेपाल बार एसोसिएसनले उक्त कार्यक्रम बहिस्कार गरेको छ ।

नेपालको न्यायालय भारदारी सभाबाट स्वतन्त्र निकायको रुपमा स्थापित भएको दिनको सम्झनामा वि.स २००८ देखि प्रत्येक वर्ष बैशाख २६ मा कानुन दिवस मनाइन्छ ।

बारका अध्यक्ष हरिकृष्ण कार्कीले रेग्मीलाई अतिथीका रुपमा बोलाइएका कारण आफूहरुले कार्यक्रममा सहभागिता नजानएको बताए ।

'नेपालको न्यायालको स्वतन्त्रता फेरि भारदारहरुको चंगुलमा गएको अवस्था छ,' उनले भने 'त्यसरी स्वतन्त्र न्यायालयलाई चंगुलमा पुर्याउने प्रमुख व्यक्ति खिलराज रेग्मी अतिथी भएको कार्यक्रममा हामीले जानु उपयुक्त ठानेनौं । ' कार्यक्रम सर्वोच्च अदालत परिसरमा भएको हो । कार्यक्रममा राष्ट्रपति रामवरण यादव, उपराष्ट्रपति परमानन्द झाको समेत उपस्थिति रहेको थियो ।

Labels: