‘खोई कसरी होला र निर्वाचन मंसिरमा ?’

मोरङ तीन टोलिया स्थायी घर र हाल चाबहिलमा कस्मेटिक पसल चलाउँदै आएकी सुकमाया लिम्बुले मंसिर ४ गतेका लागि घोषणा गरिएको संविधानसभाको निर्वाचनमा आफूले मतदान नगर्ने बताएकी छिन । गत संविधानसभामा प्रत्यक्ष र समानुपातिक दुवैमा केही गर्छ कि भन्ने विश्वासका साथ माओवादीलाई मत दिएको बताउने लिम्बुले ‘माओवादी पनि कान नै चिरेको जोगी’ भएको ठहर गर्दै अब कसैलाई मत नदिने ठहर गरेकी छिन ।

‘हाम्रो मतले प्रचण्डलाई लाजिम्पाटको दरवारमा पु¥यायो, बाबुराम भट्टराईकी पत्नी हिसिला यमी महारानी जस्तो बनेकी छिन, कृष्णबहादुर महरा, वर्षमान पुन, अग्नि सापकोटाहरु अनेकौं धन्दामा फसेको कुरा वाहिर आएका छन, फेरि मत दिएर गरिब र काम गरी खानेलाई के हुन्छ र ? त्यसैले हामी त धेरै जनाले मत नदिने सोंचेका छौं’, लिम्बुले बताइन ।

चाबहिल गणेशस्थान नपुग्दै एउटा चिया पसल छ । त्यो चिया पसललाई भ¥याङ पार्टीको कार्यालय पनि भनिन्छ । चिया बेच्ने साहुलाई त्यो पार्टीको उपाध्यक्ष बनाइएको छ । भ¥याङ पार्टीको अध्यक्षमा भने साहित्यकार खगेन्द्र संग्रौला छानिएका छन् । भ¥याङ पार्टीका उपाध्यक्ष भन्छन, ‘चुनाव गर्नुपर्छ भन्ने दलका ठूलो हिस्सा नै मंसिर ४ मा निर्वाचन हुँदैन भन्छन, नेकपा–माओवादीसहित एउटा हिस्सा निर्वाचन वहिस्कार गर्नुपर्छ भन्दैछ, खोई कसरी होला र मंसिरमा निर्वाचन ?’ सधैंजसो विहान राजनीतिक अन्तरक्रिया हुने त्यस होटेलमा अधिकांशले माओवादीविना मंसिरमा निर्वाचन हुनै नसक्ने मत राख्ने गरेको विहान पसलमा चिया खान आउने धिताल थरका एक व्यक्ति बताउँछन् । त्यहाँको छलफल शहरी क्षेत्रका जनताको मतको प्रतिविम्ब नै हो ।

‘संविधानसभा निर्वाचनको विषय राष्ट्रिय स्वाधीनतासँग जोडिएकाले यसलाई वहिस्कार गर्नुपर्ने नेकपा–माओवादीको अभियान सही र वस्तुवादी भएकाले यसलाई सहयोग गर्नु हरेक स्वाभीमानी नेपालीको दायित्व हो’, बत्तीसपुतलीमा शिशा पसल चलाउँदै आएका धनबहादुर पन्त बताउँछन । निर्वाचनको पक्ष र विपक्षको यो संघर्ष भनेको राष्ट्रिय आत्मसमर्पणवाद र राष्ट्रिय स्वाधीनताको संघर्षको रुपमा अभिव्यक्त भएको पनि पन्तको दावी छ । जनसमाज दैनिकका पत्रकार नवराज न्यौपाने पनि मंसिरको निर्वाचन पहिलो त हुनै नसक्ने र भए पनि औपचारिकतामा मात्र सीमित रहने मत राख्छन । संविधान निर्माण गर्ने यस्तो महत्वपूर्ण निर्वाचन गाविसको निर्वाचनजस्तो रौनकता नै नभएको उनको भनाइ छ । अर्का पत्रकार मोहन पन्त त मंसिर ४ को निर्वाचन गरिएमा राष्ट्रियता थप संकटमा पर्ने मत राख्छन । जवर्जस्त निर्वाचन गरिएमा पहिलो कांग्रेस, दोश्रोमा मधेसवादी मोर्चा, तेश्रोमा एमाले र चौथोमा एमाओवादीको स्थान हुने पनि उनले ठोकुवा गरेका छन् ।

घोषित संविधानसभाको निर्वाचन भएमा जनयुद्धबाट प्राप्त उपलब्धि र देशको सार्वभौमिकतालाई कमजोर पार्ने निश्चित छ । त्यसैले यसलाई असफल पार्नु राष्ट्रिय स्वाधीनता र परिवर्तनको पक्षमा लाग्ने हरेकको दायित्व हो ।

Labels: विविध, समाचार