साहस न्यौपाने, अबुधावी । युएईको अबुधावी शहरमा नेपाली जनप्रगतिशील मोर्चा युएईको अबुधावी क्षेत्रिय समितिको गठन भएको छ । मोर्चाका केन्द्रीय उपाध्यक्ष समरबहादुर खत्रीको प्रमुख अतिथ्यता तथा केन्द्रीय सदस्य रामशरण कडरियाको उपस्थितिमा अबुधावीमा हालै भएको भेलाले ४ सदस्यपछि थप्ने गरि गणेश लम्सालको अध्यक्षतामा १५ सदस्सीय क्षेत्रिय समितिको गठन गरेको हो ।

समितिको उपाध्यक्षमा नारायण खनाल, सचिवमा सुर्यबहादुर कँवर, सहसचिवमा भुलबहादुर थापा, कोषाध्यक्षमा पदम परियार रहेका छन् भने सदस्यहरुमा दिपक गैरे, टेकबहादुर, महेन्द्र महक, जि।बी लामा, दिलिप लामा, धनेश परियार रहेका छन् ।

कार्यक्रममा आफ्नो मन्तव्य राख्दै प्रमुख अतिथि समर बहादुर खत्रीले बर्तमान समयमा नेताहरुले देशलाई सिक्किमीकरण गर्नको लागि चुनावको नाटक गरिरहेकाले मुक्तिकामी शक्तिहरु मिलेर ध्वस्त गर्नुपर्ने विचार व्यक्त गरेका थिए । भने नेपाली जनप्रगतिशील मोर्चा युएईको  केन्द्रिय सदस्य रामशरण कडरियाले नेपालका सवै राजनैतिक दलहरुको विस्तारवादी दलालको रुपमा पतित हुदै गएकोले एकमात्र देशभक्त र राष्ट्रवादी शक्तिको रुपमा रहेको नेकपा(माओवादीलाई सहयोग तथा समर्थन गर्नुको विकल्प नरहेको भनाई राखेका थिए